ផលអាក្រក់នៃការពាក់គ្រឿងអលង្ការមិនដែលដោះចេញ
ចុះផ្សាយ៖ ថ្ងៃទី ០៧ កុម្ភៈ ឆ្នាំ២០១៧ ម៉ោង ១៣:៤៤នាទី
មនុស្សស្រីស្រឡាញ់គ្រឿងអលង្ការជាងអ្វីៗទាំងអស់។ វាបានក្លាយជារបស់ពេញនិយម តែទោះបីជាយ៉ាងណា វានឹងបង្កគ្រោះថ្នាក់ដល់សុខភាព។ ប្រសិនបើអ្នកពាក់គ្រឿងអលង្ការមិនដោះ អ្នកត្រូវដឹងថា គ្រឿងអលង្ការសំណព្វចិត្តរបស់អ្នកអាចធ្វើឱ្យអ្នកមានជំងឺ។
យោងតាមការសិក្សាពីបណ្ឌិតសភាផ្នែកសើស្បែករបស់អាមេរិចកាលពីថ្មីៗនេះបានឱ្យដឹងថា ការប្រើគ្រឿងអលង្ការច្រើនអាចបណ្តាលឱ្យកើតមានបញ្ហារលាកស្បែក ដោយសារប្រតិកម្មភាពស៊ាំនឹងស្បែកដែលប៉ះនឹងសារធាតុលើគ្រឿងអលង្ការ។ លោហៈនីកែលត្រូវបានគេប្រើនៅក្នុងគ្រឿងអលង្ការ ជាមូលហេតុធ្វើឱ្យរលាកស្បែក។ ប្រសិនបើស្បែកឧស្សាហ៍ប៉ះនឹងធាតុពុលដូចជា នីកែល ប្រព័ន្ធភាពស៊ាំនឹងប្រតិកម្មប្រឆាំងវា។
ការពាក់គ្រឿងអលង្ការយូររយៈពេលជាច្រើនសប្តាហ៍អាចបណ្តាលឱ្យក្រហមស្បែក ហើម និងចេញពងបែក ឬរបកស្បែក។ ស្បែកនឹងប្រែជាខ្មៅ ហើយប្រេះ។ លើសពីនេះទៀត គ្រឿងអលង្ការក៏អាចបណ្តាលឱ្យចេញកន្ទួលរមាស់លើស្បែកដោយសារការកកិត និងមុត ប្រសិនបើគ្រឿងអលង្ការមានគែមស្រួច។ ដូច្នេះអ្នកគួរពាក់គ្រឿងអលង្ការតែនៅពេលចាំបាច់។ ដោះវាចេញ ពេលនៅផ្ទះដើម្បីចៀសវាងពីការខូចស្បែក។
