អនុវត្តវិធី ១០យ៉ាងនេះកូនតូចរបស់អ្នកនឹងឈប់ហៀទឹកមាត់ទៀតហើយ
ចុះផ្សាយ៖ ថ្ងៃទី ១៥ កុម្ភៈ ឆ្នាំ២០១៧ ម៉ោង ១១:១៥នាទី
យើងទាំងអស់គ្នាធ្លាប់ដឹងរួចមកហើយពីបញ្ហា ទារកហៀទឹកមាត់។ ទារកមួយចំនួនហៀទឹកមាត់ច្រើនជាងទារកដទៃ។ ប៉ុន្តែបញ្ហានេះគ្មានអ្វីត្រូវព្រួយបារម្ភឡើយ។ ជាទូទៅ ទារកទាំងអស់សុទ្ធតែហៀទឹកមាត់។ ដោយសារទារកគ្មានអ្នកមើលថែឱ្យបានដិតដល់ តែក៏បានអាវអៀមជួយរក្សាសម្ងួតខ្លួនរបស់ទារកពេញមួយថ្ងៃ។ បើគ្មានអាវអៀមនេះទេ ទារកនឹងសើមខ្លួន ដោយសារទឹកមាត់របស់គេ។
ដើម្បីបញ្ឈប់ទារកពីបញ្ហាហៀទឹកមាត់ ឪពុកម្តាយអាចធ្វើរឿងមួយចំនួនបាន។ គេនិយាយថា ទារកនឹងចាប់ផ្តើមដុះធ្មេញ នៅពេលគេបានអាយុ ៦ និង៨ខែ។ តែទោះបីជាយ៉ាងណា មានទារកជាច្រើនចាប់ផ្តើមហៀទឹកមាត់ឥតឈប់ឈរក្នុងអាយុក្បែរៗ ៣ខែ។ ប្រសិនបើកូនតូចរបស់អ្នកហៀទឹកមាត់ញឹកញាប់ ខាងក្រោមនេះនឹងបង្ហាញពីវិធីបញ្ឈប់ទារកពីការហៀទឹកមាត់យ៉ាងមានប្រសិទ្ធិភាព៖
ច្រាសដុសធ្មេញ៖ ម៉ាស្សាអញ្ចាញធ្មេញកូនរបស់អ្នកថ្នមៗឱ្យបាន ២ដងក្នុង ១ថ្ងៃ ដោយប្រើច្រាសដុសធ្មេញអេឡិចត្រូនិច។ វិធីនេះនឹងជួយបង្កើនប្រតិកម្មឱ្យគេបានដឹងពីការហៀទឹកមាត់ និងរៀនលេបទឹកមាត់ទៅវិញ។
ដបទឹកមានទុយោ៖ ឱ្យកូនអ្នកបឺតដបទឹកមានទុយោ។ ការប្រើទុយោនឹងជួយពង្រឹងអណ្តាត ដូច្នេះគាត់អាចលេបទឹកមាត់ទៅវិញបានកាន់តែងាយ។
ទំពារ៖ ឱ្យកូនរបស់អ្នកទំពារ ដើម្បីសម្រួលដល់អញ្ចាញរបស់គេ។ ការទំពារនឹងជួយកម្ចាត់បញ្ហាហៀទឹកមាត់។
ប្រើចាហ៊ួយប្រេងបន្តិច៖ លាបចាហ៊ួយប្រេងលើចង្ការកូនរបស់អ្នកដើម្បីបញ្ឈប់ការហៀទឹកមាត់។ វាក៏អាចជួយការពារពីការរោលស្បែកផងដែរ។
ជូតទឹកមាត់ចេញ៖ ប្រើក្រណាត់ទន់ជូតទឹកមាត់ចេញពីចង្ការកូនរបស់អ្នក។ ត្រូវចាំក្នុងចិត្តថា មិនត្រូវដុសជូតចង្ការខ្លាំងៗ ព្រោះវានឹងធ្វើឱ្យដាច់រហែកចង្ការ។ នៅពេលអ្នកឧស្សាហ៍ជូតទឹកមាត់ហៀចេញពីចង្ការ គេនឹងហត់នឿយ ហើយព្យាយាមជញ្ជក់ទឹកមាត់។
ផ្លុំថ្នមៗ៖ ផ្លុំផ្ទៃមុខទារករបស់អ្នកថ្នមៗ ដើម្បីកាត់បន្ថយការហៀទឹកមាត់របស់គេ។ បើទោះបីជាវិធីនេះពិបាកបន្តិចមែន តែការព្យាយាមនឹងមានប្រសិទ្ធិភាព។
កុំឱ្យគេជញ្ជក់ក្បាលដោះ៖ យកក្បាលដោះជញ្ជក់ចេញឱ្យឆ្ងាយពីគេ ឬកាត់បន្ថយការឱ្យគេបៀម។
ធ្វើលំហាត់ប្រាណផ្ទៃមុខ៖ ការធ្វើលំហាត់ប្រាណផ្ទៃមុខក៏អាចជួយកាត់បន្ថយទម្លាប់ហៀទឹកមាត់របស់កូនអ្នក។ បង្រៀនកូនតូចអ្នកឱ្យចេះធ្វើចលនាថ្គាមឡើងចុះ។ អ្នកក៏អាចបង្រៀនគេឱ្យចេះធ្វើលំហាត់ប្រាណងាយៗ ដែលមិនអាចឱ្យទារកចំហរមាត់ទៀត។
ឥរិយាបថនៃការគេង៖ ប្រសិនបើកូនតូចរបស់អ្នកហៀទឹកមាត់ច្រើនពេលគេង អ្នកត្រូវផ្លាស់ប្តូរឥរិយាបថការគេងរបស់គេ។ ការគេងផ្ងារប្រសើរជាងការគេងផ្អៀង អាចជាវិធីជួយការពារពីការហៀទឹកមាត់។
បង្រៀនកូន៖ គ្រាន់តែបង្រៀនកូនអ្នកឱ្យចេះជូតមាត់ នៅពេលហៀទឹកមាត់ និងលេបវាចូលវិញ។
ផ្តល់សិទ្ធដោយ៖ មង្គលការ
