សាកវិធី ៥យ៉ាងនេះកូនរបស់អ្នកនឹងឆាប់បាត់យំ
ចុះផ្សាយ៖ ថ្ងៃទី ២០ កុម្ភៈ ឆ្នាំ២០១៧ ម៉ោង ១៥:២៧នាទី
ទារកត្រូវការភាពយកចិត្តទុកដាក់ និងការថែទាំពីឪពុកម្តាយ។ មានតែម្តាយថ្មីថ្មោងទេ ទើបដឹងពីភាពលំបាកការមើលថែកូនទាំងថ្ងៃ ទាំងយប់។ អ្នកត្រូវឧស្សាហ៍ប្តូរសម្លៀកបំពាក់សើមរបស់កូន ឱ្យកូនបៅ ប្រឡែងលេងជាមួយកូន…។ ប៉ុន្តែស្ថានភាពអាក្រក់នឹងកើតឡើង នៅពេលកូនចាប់ផ្តើមយំ។ គ្មានម្តាយណាម្នាក់អាចមើលឃើញកូនយំបានទេ។ អ្នកត្រូវកាត់បន្ថយការស្រែកយំរបស់ទារកភ្លាមៗ។ សាកល្បងវិធីងាយៗខាងក្រោមនេះ ដើម្បីឱ្យកូនបាត់យំ៖
ឲ្យរបស់គេលេង៖ អ្នកត្រូវយករបស់របរក្មេងលេងជាច្រើនឱ្យកូនរបស់អ្នក។ ដើម្បីឱ្យកូនឈប់យំ លើករបស់លេងឡើងដើម្បីបង្វែអារម្មណ៍របស់គេ។ ឧទាហរណ៍៖ គ្រាន់តែបង្វិលប្រដាប់ក្មេងលេងនៅមុខភ្នែកកូនរបស់អ្នក។ ទារកអាចនឹងធុញទ្រាន់នឹងរបស់លេង ដូច្នេះដាក់នៅចំពោះមុខគេត្រឹមតែ ៣-៥បានហើយ។ ធ្វើចលនារបស់លេង ឬបង្កើតសម្លេងចេញពីរបស់លេងតាមវិធីផ្សេងៗគ្នា។
ច្រៀងលឺៗ៖ ប្រសិនបើអ្នកចាប់ផ្តើមច្រៀង ឬបង្កើតសម្លេងលឺ ទារកនឹងឈប់យំ។ វានឹងបង្វែពីអារម្មណ៍មិនល្អមកអារម្មណ៍ល្អវិញ។ អ្នកក៏អាចទះដៃ ពេលកំពុងច្រៀង ដើម្បីកាត់បន្ថយការស្រែកយំរបស់ទារក។
ពរគេចេញក្រៅផ្ទះ៖ នៅពេលទារកចាប់ផ្តើមយំ អ្នកត្រូវផ្លាស់ប្តូរបរិស្ថានជុំវិញខ្លួនអ្នក។ នាំគេចេញក្រៅបន្ទប់ ឬផ្ទះ រយៈពេល ២-៣នាទី។ ទីកន្លែង និងបរិយាកាសថ្មីនឹងផ្លាស់ប្តូរចិត្តរបស់កូនអ្នករយៈពេល ២-៣វិនាទី ហើយក៏ធ្វើឱ្យគេមានអារម្មណ៍ល្អ។
ផ្លាស់ប្តូរសកម្មភាព៖ ដើម្បីឱ្យកូនបាត់យំ អ្នកត្រូវបង្វែអារម្មណ៍គាត់ដូចតាមការរៀបរាប់ខាងលើ។ នាំគេឱ្យមើលត្រីចម្រុះពណ៌ក្នុងកែវកញ្ចក់ ឬប្រើគ្រឿងផ្ទះបាយគោះ ឬវៃធ្វើជាសម្លេង។ ទូរទស្សន៍អាចផ្លាស់ប្តូរអារម្មណ៍ក្មេងបាន។ ត្រូវប្រាកដថា អ្នកត្រូវដាក់ទារកឱ្យឆ្ងាយពីទូរទស្សន៍ដើម្បីការពារភ្នែក។ រក្សាការប្តូរប៉ុស្តិ៍ទូរទស្សន៍ ដើម្បីទាក់ទាញអារម្មណ៍របស់ទារក។
ឲ្យគេបៅ៖ ជួនកាល ទារកចាប់ផ្តើមយំដោយសារភាពធុញថប់ តែភាគច្រើនក្មេងយំនៅពេលឃ្លាន។ វាជាសញ្ញាមួយប្រាប់ថា គេឃ្លាន។ បំបៅកូនអ្នកដោយឱបគេក្នុងដៃ។ ប្រសិនបើកូនអ្នកមិនព្រមបៅ នាំគេដើរចរច្រប់ និងធ្វើសម្លេងសប្បាយៗ ដើម្បីឱ្យកូនបានធូរអារម្មណ៍មួម៉ៅ។
ផ្តល់សិទ្ធដោយ៖ មង្គលការ
