អាគ្រក់ ឬអារក្សភ្នំ ជាខ្មោចបិសាចមួយប្រភេទ ដែលអាចចាត់ចូលក្នុងពពួកប្រេត, ភូត, អមនុស្ស, អសុរកាយ។
១. រូបរាងអាគ្រក់ ៖
តាមការនិយាយតៗគ្នាមក បិសាចពួកនេះ ច្រើនមានមាឌធំខ្ពស់ជាងដើមឈើទាំងឡាយ មានកាយអាក្រក់ មិនគួរឲ្យចង់មើល គ្មានសម្លៀកបំពាក់បិទបាំងរាងកាយទេ។ ពួកវានិយាយខ្លាំងៗ ដូចសម្លេងឧគ្ឃោសនៈស័ព្ទ។
២. ទីលំនៅរបស់អាគ្រក់ ៖
តាមធម្មតាអាគ្រក់តែងតែរស់នៅក្នុងព្រៃភ្នំ ដែលមានដើមឈើធំៗ ខ្ពស់ៗ មានជ្រោះជ្រលងដងអូរ ជាទីសមសាន្តស្ថានស្ងាត់។ វាកម្រនឹងបញ្ចេញរូបឲ្យមនុស្សឃើញណាស់ លើកលែងតែក្នុងករណីពិសេសប៉ុណ្ណោះ។
ដកស្រង់ចេញពី ឯកសារស្ដីពី
ប្រពៃណី និងទំនៀមទម្លាប់ខ្មែរ (ភាគ៣)