ឱសថធម្មជាតិ ៤មុខជួយបំបាត់ស្នាមអុជខ្មៅលើផ្ទៃមុខបាន ១០០%
ចុះផ្សាយ៖ ថ្ងៃទី ០៤ កុម្ភៈ ឆ្នាំ២០១៧ ម៉ោង ១៧:៣៦នាទី
ស្នាមអុជខ្មៅ គឺជាបញ្ហាស្បែកទូទៅ ដែលមនុស្សភាគច្រើនតែងតែជួបប្រទះ។ ជាធម្មតាបញ្ហាស្បែកស្រអាប់កើតឡើងដោយសារការត្រូវនឹងកម្តៅព្រះអាទិត្យ ហើយវាច្រើនកើតឡើងនៅលើផ្ទៃមុខ ក ដើមទ្រូង ដៃ ស្មា ឬខ្នង។ តែពេលនេះសូមឈប់ខ្វល់ពីបញ្ហាអស់ទាំងនេះទៅ ព្រោះមានឱសថធម្មជាតិអាចជួយអ្នកបាន ងាយស្រួលធ្វើ និងមិនបង្កផលប៉ះពាល់។
ក្រូចឆ្មា
អាស៊ីតពីធម្មជាតិរបស់ក្រូចឆ្មាមានគុណប្រយោជន៍យ៉ាងខ្លាំង ក្នុងការធ្វើឱ្យស្បែកស និងកម្ចាត់ស្នាមអុជខ្មៅពីស្បែក។ ច្របាច់ទឹកចេញពីក្រូច ផ្សើមលើសំឡីកប្បាស រួចយកទៅលាបត្រង់កន្លែងដែលមានស្នាមអុជខ្មៅ។ អ្នកអាចប្រើប្រាស់វិធីនេះឱ្យបាន ២ដងក្នុងមួយថ្ងៃ។
ប្រទាលកន្ទុយក្រពើ
រុក្ខជាតិប្រភេទនេះអាចជួយអ្នកកម្ចាត់ស្នាមអុជខ្មៅ ដែលបណ្តាលមកពីត្រូវកម្តៅព្រះអាទិត្យ។
ឈើក្រអូប (ឈើខ្លឹមចន្ទន៍)
ឈើក្រអូបមានប្រសិទ្ធភាពក្នុងការព្យាបាលស្បែកយារធ្លាក់ និងស្នាមអុជខ្មៅ ជួយថែរក្សាស្បែករបស់អ្នកមិនឱ្យចាស់ជាងវ័យ។
វីធីទី១:
អ្នកអាចលាយម្សៅឈើក្រអូប ២ស្លាបព្រា ជាមួយទឹកផ្កាកុលាប ២ស្លាបព្រា ទឹកក្រូច ១ស្លាបព្រា និងប្រេងគ្លីសេរីន (glycerin) ១ស្លាព្រាបញ្ចូលគ្នា។ លាបវាត្រង់កន្លែងអុជខ្មៅ រង់ចាំអោយវាស្ងួត សឹមលាងសម្អាតចេញនឹងទឹកត្រជាក់ធម្មតា។ អ្នកអាចធ្វើវាច្រើនដងក្នុងមួយសប្តាហ៍ រហូតដល់ឃើញលទ្ធផល។
វីធីទី២:
ម្សៅឈើក្រអូប ២ស្លាបព្រា ទឹកក្រូច ១ស្លាបព្រា ក្រូចឆ្មា ១ស្លាបព្រា វីតាមីនE ២គ្រាប់លាយបញ្ចូលគ្នា រួចលាបលើផ្ទៃមុខរបស់អ្នក ទុករយៈពេល ៣០នាទី បន្ទាប់មកលាងសម្អាតវាចេញ។ អ្នកអាចអនុវត្តន៍ ២ដងក្នុង ១សប្តាហ៍។
ខ្ទឹមបារាំង
ខ្ទឹមបារាំងក្រហម ដែលយើងហៅថា ខ្ទឹមក្រហម ដើរតួយ៉ាងសំខាន់ក្នុងការព្យាបាលបញ្ហាខ្មៅស្រអាប់ ដោយប្រើជាតិអាស៊ីត ដែលបានមកពីធម្មជាតិ។ វិធីនេះគឺសាមញ្ញបំផុត គ្រាន់តែហាន់ខ្ទឹមក្រហម រួចពូតយកទឹកវា បន្ទាប់មកយកសំឡីមកផ្សើមឱ្យសើម រួចធ្វើការលាបវាថើរៗត្រង់កន្លែងដែលមានស្នាមអុជខ្មៅ ប្រហែលរយៈពេលពី ១០ទៅ១៥នាទី ហើយលាងសម្អាតផ្ទៃមុខរបស់អ្នកជាមួយទឹកក្តៅឧណ្ឌៗ។
ផ្ដល់សិទ្ធដោយ៖ មង្គលការ
