ពិធីបុណ្យឆេងម៉េងគឺជាបុណ្យដែលមានប្រវត្តិយូរលង់ណាស់មកហើយក្នុងប្រទេសចិនហើយបុណ្យនេះបានចាប់ផ្តើមមាននៅក្នុងប្រទេសកម្ពុជាតាមរយៈចិនមករស់នៅ ស្រុកខ្មែរ។ ពិធីបុណ្យនេះចិនគេហៅថា ឆីងមីង (QingMing) រីឯជាភាសាអង់គ្លេសវិញគឺ “Tomb Sweeping Day”ដែលពិធីបុណ្យនេះគេសំដៅទៅលើពិធីសែនផ្នូរ, ឬទិវាសម្អាតផ្នូរជូនដូនតា ឬឪពុកម្ដាយដែលបានចែកឋានទៅ។
Advertisement
ពិធីនេះគេច្រើនធ្វើឡើងនៅដើមខែមេសាជារៀងរាល់ឆ្នាំហើយគេតែងតែនាំគ្នាទៅសែននៅផ្នូរអ្នកមានគុណដែលចែកឋានទៅក្នុងគោលបំណង ៣យ៉ាងធំៗគឺ
- សុំឲ្យមានសេចក្ដីសុខចម្រើន
- សុំឲ្យកូនចៅរកស៊ីមានបាន
- សុំឡើងបុណ្យស័ក្ដិ
ក្នុងពិធីបុណ្យឆេងម៉េងនេះដើម្បីធ្វើពិធីសែលគេត្រូវយកក្រដាសប្រក់ផ្នូរ យកដីរោយពីលើ(ខ្សាច់ ឬដីធម្មតា) រួចស្រោចទឹក។
បន្ទាប់មកទៀតយើងសែនម្ហូបអាហារទៅតាមលទ្ធភាពដែលយើងជាកូនចៅរៀងៗខ្លួន។