សមាគមប្រជាជាតិអាស៊ីអាគ្នេយ៍

សមាគមប្រជាជាតិអាស៊ីអាគ្នេយ៍ (ជាភាសាអង់គ្លេស Association of Southeast Asian Nations) ដែលហៅកាត់ថា អាស៊ាន (ASEAN) គឺជាអង្គការនយោបាយ និងសេដ្ឋកិច្ចមួយនៃបណ្តាប្រទេសដែលស្ថិតនៅក្នុងតំបន់ អាស៊ីអាគ្នេយ៍ ។ អាស៊ានត្រូវបានបង្កើតឡើងនៅថ្ងៃទី០៨ ខែសីហា ឆ្នាំ ១៩៦៧

អាស៊ានបង្កើតឡើងដោយរដ្ឋចំនួនប្រាំដែលមានដូចជា៖

• ហ្វីលីពីន
• ឥណ្ឌូនេស៊ី
• ម៉ាឡេស៊ី
• សឹង្ហបុរី
• ថៃឡងដ៍

ប្រទេសចូលជាសមាជិកបន្ទាប់មានដូចជា៖

• ប្រទេសប្រ៊ុយណេ សមាជិកទី៦ ចូលថ្ងៃទី ០៨ មករា ឆ្នាំ ១៩៨៤
• ប្រទេសវៀតណាម ជាសមាជិកទី៧ ចូលថ្ងៃទី ២៨ ខែ កក្កដា ឆ្នាំ ១៩៩៥
• ប្រទេសឡាវ ជាសមាជិកទី៨ ចូលថ្ងៃទី ២៤ ខែ កក្កដា ឆ្នាំ ១៩៩៧
• ប្រទេសមីយ៉ាន់ម៉ា ជាសមាជិកទី៩ ចូលនៅថ្ងៃទី ២៤ ខែ កក្កដា ឆ្នាំ ១៩៩៧
• ព្រះរាជាណាចក្រកម្ពុជា ជាសមាជិកទី១០ ចូលនៅថ្ងៃទី ៣០ ខែ មេសា ឆ្នាំ ១៩៩៩

អាស៊ានបានចេញគោលការណ៍ជាច្រើនបន្ទាប់ពីឆ្នាំ១៩៦៧ដូចជា៖

• ការបង្កើតតំបន់សន្តិភាព សេរីភាព និងអព្យាក្រឹតភាព
• ការបង្កើតសន្ធិសញ្ញាមិត្តភាព និងសហប្រតិបត្តិការ
• ការបង្កើតតំបន់ពាណិជ្ជកម្មសេរី អាស៊ាន
• ការបង្កើតវេទិកាតំបន់អាស៊ាន