របាំមណីមេខលាគឺជារបាំមួយដែលបានរៀបរាប់អំពីឈុតឆាកមួយដែលរាមសូរដណ្តើម​យកកែវមណីទិព្វពីនាងមេខលារាមសួរបានចោលពូថៅទិព្វលាន់ឮខ្ទរខ្ទារជាផ្គរចំណែកឯ​នាងមេខលាវិញបានគ្រវែងកែវមណីទិព្វតបតវិញក្លាយជាផ្លេកបន្ទោរនិងរន្ទះជ្រាលច្រាល​ភ្លឺឆ្អៅពេញលំហមេឃធ្វើឱ្យរាមសួរបាក់បបខ្លបខ្លាចហើយក៏ចុះចាញ់នៅពេលនោះទៅសូម​បញ្ជាក់ថារាមសួរនិងនាងមេខលា​ជាសិស្សរួមគ្រូតែមួយដែលក្រោយពីបានរៀនមន្តអាគម​គាថានិងយុទ្ធសិល្ប៍ចប់សព្វគ្រប់ហើយព្រះមុនីឥសីក៏បានប្រទានពូថៅទិព្វដល់រាមសូរ​ និងកែវមុណីទិព្វដល់នាងមេខលា។ ដកស្រង់ពីសៀវភៅ វប្បធម៌ខ្មែរ របស់សាកលវិទ្យាល័យ បញ្ញាជាតិ

      របាំសុវណ្ណមច្ឆា គឺជារបាំមួយដែលនិយាយរៀបរាប់អំពីឈុតឆាកមួយដែលទ័ពស្វាបានជញ្ជូនថ្មភ្នំ ដើម្បីសង់ស្ពានកាត់សមុទ្រទៅកាន់ក្រុងលង្កាក្រោមការបញ្ជារបស់ព្រះរាម​។ នៅពេលរាត្រីយប់ស្ងាត់ ថ្មនោះចេះតែរបេះបាត់អស់មួយចំនួនធំ ព្រះរាមនឹកពិភាល់ក៏បង្គាប់ឱ្យពិភេកធ្វើការទស្សន៍​ទាយមើល រួចក៏ឃើញថានៅក្នុងសមុទ្រនោះមានស្តេចត្រីមួយអង្គព្រះនាមហៅថា នាងសុវណ្ណមច្ឆា ​ដែលបានបញ្ជាឱ្យពលសេនារបស់ខ្លួនជញ្ជូនថ្មទាំងនោះទៅបោះចោល។​ ឯព្រះរាមក៏យល់ការណ៍ហើយបានចេញ​បញ្ជាឱ្យហនុមានជាអ្នកទៅដោះស្រាយបញ្ហានោះ។ ដកស្រង់ពីសៀវភៅ វប្បធម៌ខ្មែរ របស់សាកលវិទ្យាល័យ បញ្ញាជាតិ

រចនាបថល្ខោនបាសាក់៖ * តួអង្គ៖ បង្ហាញឈ្មោះ ឫ ជីវប្រវត្តិដោយខ្លួនឯង។ *ការសម្តែង៖ប្រព្រឹត្តទៅដោយមានតួអង្គឯកតួត្លុកយក្សទេវៈសត្វជាដើម។តួអង្គទាំងអស់ត្រូវ ច្រៀងបទចម្រៀងដែលស្របនឹងស្ថានភាពបរិយាកាសនៃរឿងដោយភ្លេងប្រគុំកំដរជាមួយផង។ការរំកិលសាច់រឿងពីឆាកមួយទៅ​ឆាកមួយប្រព្រឹត្តទៅយ៉ាងសន្ធឹងគ្នានៃស្គរ និងឡោ។ *សាច់ភ្លេង៖សាច់ភ្លេងល្ខោនបាសាក់ដែលនៅរក្សាពណ៌សម្បុរចិនមានចំនួន២២បទខ្មែរ បង្កើតបាន២៨បទដោយយកបទមហោរីមកបន្ថែមតាមទម្រង់បាសាក់៨៩បទបទភ្លេងបារាំង មាន១៦បទ។ *ពាក្យពេចន៍៖ការប្រើពាក្យពេចន៍តួអង្គប្រើពាក្យជួនកម្រងកែវឫពាក្យរាយ។ក្រៅពីនេះគេប្រើ ពាក្យរាជស័ព្ទឫសូរស័ព្ទក៏មានដែរ។ ឯកសារទទួលបានពី ទំព័រចំណេះដឹងវប្បធម៌ទូទៅ