ការស្រាវជ្រាវថ្មីមួយបានព្រមានថា ជីវិតរស់នៅប្រចាំថ្ងៃរបស់ឪពុក និងការសេពជាតិស្រវឹងអាចប៉ះពាល់ដល់សុខភាពរបស់កូនជំនាន់ក្រោយ។ ការសិក្សានេះបានអះអាងថា ទម្លាប់អាក្រក់មួយចំនួនបណ្តាលឱ្យកូនកើតមកខ្វះអវយវៈ។
យើងដឹងការពិតហើយថា អរម៉ូន និងសារធាតុចិញ្ចឹមក្នុងស្បូនបានប៉ះពាល់ដល់ទារក។ សូម្បីតែបញ្ហាផ្លូវចិត្តរបស់ម្តាយក៏អាចប៉ះពាល់ដល់ស្បូនផងដែរ។ កត្តាមួយចំនួនអាចបំផ្លាញទារកតាមវិធីផ្សេងៗគ្នា។
ដូចគ្នានេះដែរ ជីវិតរស់នៅប្រចាំថ្ងៃរបស់បុរសក៏អាចប៉ះពាល់ដល់គុណភាពទឹកកាមរបស់គាត់ និង DNA របស់កូនជំនាន់ក្រោយ។
កត្តាជីវិតរស់នៅប្រចាំថ្ងៃ អាយុ និងកត្តាផ្សេងៗទៀតរបស់គាត់ បានកំណត់សមត្ថភាពបង្កកំណើតរបស់គាត់។ ការស្រាវជ្រាវបន្ថែមទៀតបានអះអាងថា ជីវិតរស់នៅប្រចាំថ្ងៃរបស់ឪពុកក៏អាចប៉ះពាល់ដល់ក្មេង ៣ទៅ៤ជំនាន់ក្រោយៗទៀត។
ឪពុកដែលសេពគ្រឿងស្រវឹងអាចធ្វើឱ្យទារកខ្សោយមុខងារខួរក្បាល ទម្ងន់ស្រាល។ អាយុរបស់ឪពុកក៏អាចប៉ះពាល់ដូចគ្នា។ វាបណ្តាលឱ្យក្មេងកើតជំងឺវិកលចរិក។
ភាពធាត់របស់ឪពុកអាចប៉ះពាល់ដល់ការរំលាយជាតិខ្លាញ់របស់ទារក។ ភាពតានតឹងរបស់បុរសអាចប៉ះពាល់ដល់សុខភាពកូន។
ផ្តល់សិទ្ធដោយ៖ មង្គលការ